ಪಾಯಸ

’ಕನ್ನಡ ಪ್ರಭ-ಸಖಿ : ಹೊಟ್ಟೆಗೆ ಹಿಟ್ಟು ಅಂಕಣದಲ್ಲಿ ಪ್ರಕಟಿತ ’



ಪಾಯಸ

ಪಾಯಸ ಎನ್ನುವುದು ಪೀಯುಶ ಎಂಬ ಶಬ್ದದಿಂದ ಬಂದಿದೆ.ಪೀಯೂಶ ಎಂದರೆ ಮಕರಂದ. ಸವಿಯಾದದ್ದು. ಪಾಯಸವೂ ಸಿಹಿ ವಸ್ತು.ಹಾಗಾಗಿ ಈ ಹೆಸರಿನಿಂದ ಕರೆದಿರಬೇಕು.
ಹಿಂದಿಯ ಖೀರ್ ಎನ್ನುವುದು ಸಂಸ್ಕೃತದ ಕ್ಷೀರದಿಂದ ಬಂದದ್ದು. ಕ್ಷೀರವೆಂದರೆ ಹಾಲು.ಪಾಯಸದ ಮೂಲವಸ್ತು ಹಾಲು.ಉತ್ತರ ಭಾರತದ ಕಡೆ ದನ/ಎಮ್ಮೆಯ ಹಾಲನ್ನು ಬಳಸಿದರೆ,ದಕ್ಷಿಣ ಭಾರತದಲ್ಲಿ ತೆಂಗಿನ ಹಾಲಿನ ಬಳಕೆ ಹೆಚ್ಚು.

(I have got the above information from wiki pedia)


--------------------------
೧.ಗೋಧಿ ಕಡಿ ಪಾಯಸ

--------------------------



ಬೇಕಾಗುವ ವಸ್ತುಗಳು

ಗೋಧಿ ಕಡಿ :ಒಂದು ಲೋಟ
ಬೆಲ್ಲ:೧ ಲೋಟ
ತೆಂಗಿನಕಾಯಿ ತುರಿ:ಒಂದು ಲೋಟ
ಗೋಡಂಬಿ,ದ್ರಾಕ್ಷಿ :ತಲಾ ಹತ್ತು
ತುಪ್ಪ :ಒಂದು ಚಮಚ
ಏಲಕ್ಕಿ ಪುಡಿ:ಚಿಟಿಕೆ
ನೀರು:ಎರಡು ಲೋಟ
ಬೆಲ್ಲದ ಪುಡಿ:ಒಂದು ಲೋಟ


ವಿಧಾನ.

೧.ಗೋಧಿ ಕಡಿಗೆ ನೀರು ಹಾಕಿ,ಕುಕ್ಕರಿನಲ್ಲಿ ಬೇಯಿಸಿ ಇಟ್ಟುಕೊಳ್ಳಿ.
೨.ತೆಂಗಿನ ತುರಿಯನ್ನು ಸ್ವಲ್ಪ ನೀರು ಹಾಕಿ ರುಬ್ಬಿ, ರಸ ಹಿಂಡಿ ಇಟ್ಟು ಕೊಳ್ಳಿ.
೩.ಬೆಂದ ಗೋಧಿ ಕಡಿ, ತೆಂಗಿನಕಾಯಿ ಹಾಲು, ಬೆಲ್ಲ ಹಾಕಿ ಕುದಿಸಿ.
೪.ಇದು ಕುದಿಯುತ್ತಿದ್ದಂತೆ ಇದಕ್ಕೆ ಏಲಕ್ಕಿ ಪುಡಿ, ತುಪ್ಪದಲ್ಲಿ ಕರಿದ ದ್ರಾಕ್ಷಿ ,ಗೋಡಂಬಿ ಇವುಗಳನ್ನು ಹಾಕಿ ,ಸೌಟಿನಿಂದ ಒಮ್ಮೆ ಕದಡಿಸಿ.


ಇದೇ ಥರ ಕಡ್ಲೆ ಬೇಳೆ, ಹೆಸರು ಬೇಳೆ,ಅಕ್ಕಿಯ ಪಾಯಸವನ್ನೂ ಮಾಡಬಹುದು.

----------------------------------------------------------------------


೨.ಕ್ಯಾರೇಟ್ ಪಾಯಸ

-----------------------------------------------------------------------

ಕ್ಯಾರ್‍ಏಟ್ :ನಾಲ್ಕು
ತೆಂಗಿನ ಕಾಯಿ ಹಾಲು:ಎರಡು ಲೋಟ
ಸಕ್ಕರೆ:ಎರದು ಲೋಟ
ಏಲಕ್ಕಿ ಪುಡಿ:ಚಿಟಿಕೆ
ಗೋಡಂಬಿ,ದ್ರಾಕ್ಷಿ :ತಲಾ ಹತ್ತು
ತುಪ್ಪ :ಒಂದು ಚಮಚ


೧.ಕ್ಯಾರ್‍ಏಟನ್ನು ಹೆಚ್ಚಿ ರುಬ್ಬಿ,ಕಾಯಿ ಹಾಲಿನಲ್ಲಿ ಬೇಯಿಸಿ.
೨.ಇದಕ್ಕೆ ಸಕ್ಕರೆ ಹಾಕಿ ಒಂದು ಕುದಿ ಬರಿಸಿ.
೩.ತುಪ್ಪದಲ್ಲಿ ಹುರಿದ ದ್ರಾಕ್ಷಿ,ಗೋಡಂಬಿಗಳನ್ನು ಸೇರಿಸಿ ಕಲಕಿ.
೪.ಏಲಕ್ಕಿ ಪುಡಿ ಉದುರಿಸಿ.

---------------------------------------------------



೩.ಖರ್ಜೂರದ ಪಾಯಸ

---------------------

ಬೇಕಾಗುವ ವಸ್ತುಗಳು

ಸಣ್ಣಗೆ ಹೆಚ್ಚಿದಖರ್ಜೂರ :ಒಂದು ಲೋಟ
ಬೆಲ್ಲದ ಪುಡಿ :೨ ಚಮಚ
ಏಲಕ್ಕಿ ಪುಡಿ:ಚಿಟಿಕೆ
ಗೋಡಂಬಿ:ನಾಲ್ಕು
ತೆಂಗಿನಕಾಯಿ ಹಾಲು:ಎರಡು ಲೋಟ
ತುಪ್ಪ:ಒಂದು ಚಮಚ

ವಿಧಾನ

೧.ಖರ್ಜೂರದ ಹತ್ತು ಸಣ್ಣ ಚೂರುಗಳನ್ನು ಪಕ್ಕಕ್ಕಿರಿಸಿ,ಉಳಿದ ಚೂರುಗಳನ್ನು ಕಾಲು ಲೋಟ ತೆಂಗಿನಹಾಲಿನ ಜತೆ ರುಬ್ಬಿ.
೨.ರುಬ್ಬಿದ ಮಿಶ್ರಣವನ್ನು ಕುದಿಸಿ.ಇದಕ್ಕೆ ಉಳಿದ ತೆಂಗಿನಹಾಲು,ಬೆಲ್ಲ,ಏಲಕ್ಕಿ ಪುಡಿ ಹಾಕಿ ಕುದಿಸಿ.
೩.ಕುದಿಯುತ್ತಿದ್ದಂತೆ ತುಪ್ಪದಲ್ಲಿ ಹುರಿದ ಗೋಡಂಬಿ ಹಾಗೂ ಉಳಿದ ಖರ್ಜೂರದ ಚೂರುಗಳಿಂದ ಅಲಂಕರಿಸಿ.


----------------------------------------------------------------
೪.ಗೋಡಂಬಿ ಪಾಯಸ
--------------------------------------------------------------

ಬೇಕಾಗುವ ವಸ್ತುಗಳು

ಗೋಡಂಬಿ:ಎರಡು ಲೋಟ
ಹಾಲು :ಎರಡು ಲೋಟ
ಸಕ್ಕರೆ:ಎರಡು ಲೋಟ
ಬಾದಾಮಿ:೪
ಕೇಸರಿ ದಳ:ನಾಲ್ಕು


ವಿಧಾನ

೧.ಗೋಡಂಬಿಯನ್ನು ಸ್ವಲ್ಪ ನೀರಿನಲ್ಲಿ ರಾತ್ರಿ ಇಡೀ ನೆನೆಸಿಡಿ.ನೆನೆದ ಗೋಡಂಬಿಯನ್ನು ಸ್ವಲ್ಪ ಹಾಲಿನ ಜತೆ ರುಬ್ಬಿ .
೨.ಕೇಸರಿ ದಳಗಳನ್ನು ಕಾಲು ಲೋಟ ಬಿಸಿ ನೀರಿನಲ್ಲಿ ಅರ್ಧ ಗಂಟೆ ನೆನೆಸಿಡಿ.
೩.ಹಾಲು,ರುಬ್ಬಿದ ಗೋಡಂಬಿ ಇವುಗಳನ್ನು ಸಣ್ಣ ಉರಿಯಲ್ಲಿ ಕುದಿಯಲು ಬಿಡಿ.ಮಿಶ್ರಣವು ಅರ್ಧದಷ್ಟಾಗುವ ತನಕ ಕಲಕುತ್ತಾ ಇರಿ.
೪.ಸಕ್ಕರೆಯನ್ನು ಸೇರಿಸಿ,ನಿಧಾನವಾಗಿ ಕಲಕಿ.
೫.ಇದಕ್ಕೆ ಹೆಚ್ಚಿದ ಬಾದಾಮಿ ಮತ್ತು ನೆನೆಸಿದ ಕೇಸರಿ ದಳಗಳಿಂದ ಅಲಂಕರಿಸಿ.
೬.ಸ್ವಲ್ಪ ತಣಿಸಿ, ತಿನ್ನಲು ಕೊಡಿ

ಇದೇ ರೀತಿ ಬಾದಾಮಿಯ ಪಾಯಸವನ್ನು ಮಾಡಬಹುದು. ಬಾದಾಮಿಯ ಸಿಪ್ಪೆಯನ್ನು ತೆಗೆದ ಬಳಿಕ ಹಾಲಿನ ಜತೆ ರುಬ್ಬಬೇಕು.

--------------------------------------------------------------------------
೫.ಪರಡಿ ಪಾಯಸ
--------------------------------------------------------------------------


ಬೇಕಾಗುವ ವಸ್ತುಗಳು

ಅಕ್ಕಿ :ಒಂದು ಲೋಟ
ತೆಂಗಿನ ಹಾಲು:ಎರಡು ಲೋಟ
ಬೆಲ್ಲದ ಪುಡಿ:ಒಂದು ಲೋಟ
ಏಲಕ್ಕಿ ಪುಡಿ:ಚಿಟಿಕೆ
ಗೋಡಂಬಿ,ದ್ರಾಕ್ಷಿ :ತಲಾ ಹತ್ತು
ತುಪ್ಪ :ಒಂದು ಚಮಚ

ವಿಧಾನ

೧.ಅಕ್ಕಿಯನ್ನು ನೀರಿನಲ್ಲಿ ಸುಮಾರು ೩ ಗಂಟೆಗಳ ಕಾಲ ನೆನೆಸಿ,ಸ್ವಲ್ಪ ನೀರಿನ ಜತೆ ರುಬ್ಬಿ.
೨.ಬೆಲ್ಲ,ಕಾಯಿಹಾಲು ಕುದಿಯಲು ಇಡಿ.
೩.ಅದು ಕುದಿಯುತ್ತಿದ್ದಂತೆ ತೂತಿರುವ ಸೌಟಿನ ಮೂಲಕ ರುಬ್ಬಿದ ಅಕ್ಕಿ ಹಿಟ್ಟನ್ನು ಬೀಳಿಸಿ.
೪.ಇನ್ನೂ ಸ್ವಲ್ಪ ಹೊತ್ತು ಕುದಿಯಲು ಬಿಡಿ.
೫.ತುಪ್ಪದಲ್ಲಿ ಕರಿದ ದ್ರಾಕ್ಷಿ ,ಗೋಡಂಬಿ ಇವುಗಳನ್ನು ಹಾಕಿ ,ಸೌಟಿನಿಂದ ಒಮ್ಮೆ ಕದಡಿಸಿ.


--------------------------------------

೬.ಸಜ್ಜಿಗೆ ಪಾಯಸ
-------------------------------------

ರವೆ:ಒಂದು ಲೋಟ
ತೆಂಗಿನ ಹಾಲು:ಎರಡು ಲೋಟ
ಸಕ್ಕರೆ:ಒಂದು ಲೋಟ
ತುಪ್ಪ :ಕಾಲು ಲೋಟ
ಗೋಡಂಬಿ,ದ್ರಾಕ್ಷಿ :ತಲಾ ಹತ್ತು

ವಿಧಾನ

ರವೆಯನ್ನು ತುಪ್ಪದಲ್ಲಿ ಹುರಿದು, ತೆಂಗಿನ ಹಾಲು,ಸಕ್ಕರೆಯ ಜತೆ ಕುದಿಸಿ.
ತುಪ್ಪದಲ್ಲಿ ಕರಿದ ದ್ರಾಕ್ಷಿ ,ಗೋಡಂಬಿ ಇವುಗಳನ್ನು ಹಾಕಿ ,ಸೌಟಿನಿಂದ ಒಮ್ಮೆ ಕದಡಿಸಿ.


------------------------------------------
೭.ಸೇಮಿಗೆ ಪಾಯಸ
-----------------------------------------

ಸೇಮಿಗೆ (ವರ್ಮಿಸೆಲ್ಲಿ) : ಒಂದು ಲೋಟ
ತೆಂಗಿನ ಹಾಲು:ಎರಡು ಲೋಟ
ಸಕ್ಕರೆ:ಒಂದು ಲೋಟ
ತುಪ್ಪ :ಕಾಲು ಲೋಟ
ಗೋಡಂಬಿ,ದ್ರಾಕ್ಷಿ :ತಲಾ ಹತ್ತು


ವಿಧಾನ:
೧.ಒಂದು ಲೋಟ ನೀರು ಕುದಿಯಲು ಬಿಡಿ.
೨.ಸೇಮಿಗೆಯನ್ನು ತುಪ್ಪದಲ್ಲಿ ಹುರಿದು, ಕುದಿಯುತ್ತಿರುವ ನೀರಿಗೆ ಹಾಕಿ.
೩.ತೆಂಗಿನ ಹಾಲು,ಸಕ್ಕರೆ ಸೇರಿಸಿ, ಇನ್ನಷ್ಟು ಕುದಿಸಿ.
೪.ತುಪ್ಪದಲ್ಲಿ ಕರಿದ ದ್ರಾಕ್ಷಿ ,ಗೋಡಂಬಿ ಇವುಗಳನ್ನು ಹಾಕಿ ,ಸೌಟಿನಿಂದ ಒಮ್ಮೆ ಕದಡಿಸಿ.

-----------------------------------------------
೮.ರಬ್ಡೀ
-----------------------------------------------

ಹಾಲು:ನಾಲ್ಕು ಲೋಟ
ಸಕ್ಕರೆ:ಎರಡು ಲೋಟ
ಕೇಸರಿ ಎಸಳು:ನಾಲ್ಕು

ಹಾಲನ್ನು ಕುದಿಸಿ,ಅರ್ಧಕ್ಕೆ ಇಳಿಸಿ. ಸಕ್ಕರೆ ಹಾಕಿ ಕಲಕಿ.
ಹಾಲಿನಲ್ಲಿ ನೆನೆದ ಕೇಸರಿ ಎಸಳುಗಳನ್ನು ಹಾಕಿ.
ಕತ್ತರಿಸಿದ ಬಾದಾಮಿ ಚೂರುಗಳಿಂದ ಅಲಂಕರಿಸಿ.


ಬೇಕಿದ್ದರೆ ಇದಕ್ಕೆ ಸ್ವಲ್ಪ ರೋಸ್ ಎಸೆನ್ಸನ್ನು ಹಾಕಬಹುದು.


--------------------------------------------------------
೯.ಬೀಟ್ರೂಟ್ ಪಾಯಸ
-------------------------------------
ಬೀಟ್ರೂಟನ್ನು ಸಣ್ಣಗೆ ತುರಿದು,ಹಾಲಿನಲ್ಲಿ ಬೇಯಿಸಿ, ಸಕ್ಕರೆ ಹಾಕಿ ಕಲಕಿ.


----------------
೧೦.ತಂಬಿಟ್ಟು
-----------------


ಅಕ್ಕಿ,ಬೆಲ್ಲ,ತೆಂಗಿನ ತುರಿ:ತಲಾ ಒಂದು ಲೋಟ
ಅಕ್ಕಿಯನ್ನು ಸುಮಾರು ಒಂದು ಗಂಟೆಕಾಲ ನೀರಿನಲ್ಲಿ ನೆನೆಸಿ,ಬಳಿಕ ಬೆಲ್ಲ,ತೆಂಗಿನ ತುರಿಯ ಜತೆ ರುಬ್ಬಿ.ತಂಬಿಟ್ಟು ತಯಾರು.ಇದನ್ನು ನಾಗರಪಂಚಮಿಗೆ ಮಾಡುತ್ತಾರೆ.