ಪ್ರೇಮ ಸೌರಭ

ಹಿಂದಿ ಚಲನಚಿತ್ರ `ರೆಹೆನಾ ಹೆ ತೆರೆ ದಿಲ್ ಮೆ' ಯ `ಜರಾ ಜರಾ ' ಗೀತೆಯ ಭಾವಾನುವಾದ ನಿಮಗಾಗಿ...


ಪ್ರೇಮ ಸೌರಭದಲಿ
ತೇಲುತಿರಲು ತನುಮನ
ಬಯಸುತಿಹೆ ನಾನೀಗ
ನಿನ್ನ ಬಾಹುಬಂಧನ

ನನ್ನಾಣೆ ನಲ್ಲ ನಿನಗೆ
ಹೋಗದಿರು ನೀ ದೂರ
ಶೂನ್ಯ ಅಂತರ ಒಳಿತು
ಬೇಗ ಸನಿಹಕೆ ಬಾರ

ಕರಿಮೋಡ ಕರಗಿದ
ಮಳೆಯಂತೆ ಅಬ್ಬರ
ಪ್ರೀತಿಯಲಿ ನೆನೆಯೋಣ
ಒಲವಿನ ಪ್ರಿಯಕರ

ನೋಡುತಿರು ನಲಿಯುವ
ಎನ್ನ ಮುಂಗುರುಳು
ನೇವರಿಸುತಿರು ಆಗಾಗ
ಅತ್ತಿತ್ತ ನಿನ್ನ ಬೆರಳು

ಸುಮಧುರ ಏಕಾಂತ
ಶರತ್ಕಾಲದ ಇರುಳು
ನುಸುಳಿರಲು ನಾವೀರ್ವರೂ
ಒಂದೇ ಚಾದರದೊಳು

ಮತ್ತೇರಿಸುವ ಆ ನಿನ್ನ
ಸವಿ ಪಿಸುಮಾತು
ನಮ್ಮೀರ್ವರ ನಡುವಿನ
ಪ್ರೀತಿ ಹೆಚ್ಚಿಸಿತು

ಮರೆಯಲಾಗದ ಆ
ಸಿಹಿಯಾದ ಮಿಲನ
ಹಾಡುತಿರಲು ಕಂಗಳು
ಮೃದುವಾಗಿ ಕವನ