ಬಗೆ ಬಗೆ ಶರಬತ್ತು..

’ಕನ್ನಡ ಪ್ರಭ-ಸಖಿ : ಹೊಟ್ಟೆಗೆ ಹಿಟ್ಟು ಅಂಕಣದಲ್ಲಿ ಪ್ರಕಟಿತ ’

೧. ಬೆಲ್ಲದ ಪಾನಕ..

ಮನೆಗೆ ಅತಿಥಿಗಳು ಬಂದಾಗ ಬೆಲ್ಲ ನೀರು ಕೊಡುವುದು ವಾಡಿಕೆ. ಬೆಲ್ಲ ನೀರು ದಣಿವನ್ನು ನಿವಾರಿಸುತ್ತದೆ ಮತ್ತು ಆರೋಗ್ಯಕ್ಕೆ ಬಹಳ ಒಳ್ಳೆಯದು.
ಬೇಕಾಗುವ ವಸ್ತುಗಳು

ನೀರು :ಎರಡು ಲೋಟ
ಬೆಲ್ಲದ ಪುಡಿ: ಅರ್ಧ ಲೋಟ
ಏಲಕ್ಕಿ :ಚಿಟಿಕೆ
ಕಾಳು ಮೆಣಸಿನ ಪುಡಿ :ಚಿಟಿಕೆ.

ವಿಧಾನ
೧.ನೀರಿನಲ್ಲಿ ಬೆಲ್ಲದ ಪುಡಿಯನ್ನು ಸುಮಾರು ಎರಡು ಗಂಟೆಗಳ ಕಾಲ ನೆನೆಸಿ ಇಡಿ.
೨.ಬೆಲ್ಲ ಸಂಪೂರ್ಣವಾಗಿ ಕರಗಿದಾಗ ಅದಕ್ಕೆ ಏಲಕ್ಕಿ ಪುಡಿ ಮತ್ತು ಕಾಳು ಮೆಣಸಿನ ಪುಡಿ ಬೆರೆಸಿ ಕಲಕಿ,ಕುಡಿಯಿರಿ.


೨. ಬಣ್ಣದ ಸೌತೆಕಾಯಿ ಪಾನಕ (ಮಂಗಳೂರು ಸೌತೆ ಪಾನಕ )

ಬೇಕಾಗುವ ವಸ್ತುಗಳು

ನೀರು : ಎರಡು ಲೋಟ
ಬೆಲ್ಲದ ಪುಡಿ: ಅರ್ಧ ಲೋಟ

ಮಂಗಳೂರು ಸೌತೆಕಾಯಿ : ಒಂದು

ವಿಧಾನ

೧. ಸಿಪ್ಪೆ ಸುಲಿದ ಸೌತೆಯನ್ನು ಸಣ್ಣಗೆ ಹೆಚ್ಚಿ,ಮಿಕ್ಸಿಯಲ್ಲಿ ರುಬ್ಬಿ .
೨.ಇದಕ್ಕೆ ಬೆಲ್ಲದ ಪುಡಿ, ನೀರು ಹಾಕಿ ಕಲಕಿ. ಬೇಕಿದ್ದರೆ ಏಲಕ್ಕಿ ಪುಡಿ ಹಾಕಿಕೊಳ್ಳಬಹುದು.
ಬಿಸಿಲಿನ ಬೇಗೆಗೆ ಅತ್ಯುತ್ತಮವಾದ ಪಾನಕ ಇದು.

೩.ಕರಬೂಜದ ಮಿಲ್ಕ್ ಶೇಕ್

ಬೇಕಾಗುವ ವಸ್ತುಗಳು

ಕರಬೂಜ : ಒಂದು
ಸಕ್ಕರೆ:ಎರಡು ಚಮಚ
ಹಾಲು :ಒಂದು ಲೋಟ
ನೀರು :ಒಂದು ಲೋಟ

ವಿಧಾನ

೧.ಬೀಜ ಮತ್ತು ಸಿಪ್ಪೆ ತೆಗೆದ ಕರಬೂಜವನ್ನು ಸಣ್ಣಗೆ ಹೆಚ್ಚಿ.
೨.ಮಿಕ್ಸಿಯಲ್ಲಿ ಹಾಲು,ಸಕ್ಕರೆ ಮತ್ತು ಕರಬೂಜವನ್ನು ಹಾಕಿ ಒಟ್ಟಿಗೆ ರುಬ್ಬಿ.
೩.ಬೇಕಿದ್ದರೆ ಇದಕ್ಕೆ ಅಇಸ್ ಕ್ರೀಮನ್ನು ಸೇರಿಸಿ ರುಬ್ಬಬಹುದು.
೪.ನೀರು ಸೇರಿಸಿ, ಕಲಕಿ , ಕುಡಿಯಿರಿ.

೪. ಬ್ರಾಹ್ಮಿ ಎಲೆಯ ಶರಬತ್ತು

ಬೇಕಾಗುವ ಸಾಮಗ್ರಿಗಳು :
ಎರಡು ಹಿಡಿ ಬ್ರಾಹ್ಮಿ ಎಲೆ
ಬೆಲ್ಲ :ಮಧ್ಯಮ ಗಾತ್ರದ ಚೂರು
ನೀರು ಸ್ವಲ್ಪ




ವಿಧಾನ:
ಬ್ರಾಹ್ಮಿ ಎಲೆಗಳನ್ನು ಚೆನ್ನಾಗಿ ತೊಳೆದು, ಮಿಕ್ಸಿಗೆ ಹಾಕಿ. ಸ್ವಲ್ಪ ನೀರು ಮತ್ತು ಬೆಲ್ಲ ಸೇರಿಸಿ.ನುಣ್ಣಗೆ ರುಬ್ಬಿ.
ಆಮೇಲೆ ಅದನ್ನು ಮಿಕ್ಸಿ ಯಿಂದ ತೆಗೆದು, ಸೋಸಿ.
ಬೇಕಿದ್ದರೆ ಮಂಜುಗಡ್ಡೆ ಸೇರಿಸಿ.
ಇನ್ನೇಕೆ ತಡ...ರುಚಿ ನೋಡಿ.
ಬೇಸಗೆಯ ಧಗೆಗೆ ತಂಪಾದ ,ಆರೋಗ್ಯಕರವಾದ ಪಾನೀಯ ಇದು!!

೫.ಪುದೀನಾ ನಿಂಬೆ ಶರಬತ್ತು

ಬೇಕಾಗುವ ವಸ್ತುಗಳು
ನಿಂಬೆ ರಸ : ಆರು ಚಮಚ
ಸಕ್ಕರೆ :ಎಂಟು ಚಮಚ
ಪುದೀನಾ ಎಲೆ : ಅರ್ಧ ಲೋಟ
ಜೀರಿಗೆ ಪುಡಿ, ಕಾಳುಮೆಣಸಿನ ಪುಡಿ :ಚಿಟಿಕೆ
ಉಪ್ಪು :ರುಚಿಗೆ ತಕ್ಕಷ್ಟು
ನೀರು :ಎರಡು ಲೋಟ

ವಿಧಾನ
೧.ಪುದೀನಾ ಎಲೆಗಳನ್ನು ನೀರು ಹಾಕಿ ನುಣ್ಣಗೆ ರುಬ್ಬಿ.
೨.ಇದಕ್ಕೆ ಸಕ್ಕರೆ,ನಿಂಬೆ ರಸ, ಜೀರಿಗೆ ಪುಡಿ, ಕಾಳು ಮೆಣಸಿನ ಪುಡಿ, ಉಪ್ಪು ಹಾಕಿ ಚೆನ್ನಾಗಿ ಕಲಕಿ.
೩.ಬೇಕಿದ್ದರೆ ಮಂಜುಗಡ್ಡೆ ಸೇರಿಸಿ.
೪.ಇನ್ನೇಕೆ ತಡ ಪುದೀನಾ-ನಿಂಬೆ ಶರಬತ್ತು ತಯಾರು. ಇದು ತುಂ ಬಾ ಆಹ್ಲಾದಕರವಾದ ಪಾನೀಯ.

ವಿ.ಸೂ.
ಇದಕ್ಕೆ ಸ್ವಲ್ಪ ಶು ೦ಠಿ ರಸವನ್ನು ಸೇರಿಸಿದರೆ ವಿಶಿಷ್ಟವಾದ ರುಚಿ ಬರುತ್ತದೆ .

೬.ಮಸಾಲ ಮಜ್ಜಿಗೆ

ಬೇಕಾಗುವ ವಸ್ತುಗಳು
ಮಜ್ಜಿಗೆ :ಎರಡು ಲೋಟ
ಕೊತ್ತಂಬರಿ ಸೊಪ್ಪು : ಸ್ವಲ್ಪ
ಶು೦ಠಿ: ಸಣ್ಣ ಚೂರು
ಹಸಿ ಮೆಣಸು : ೨
ಉಪ್ಪು :ರುಚಿಗೆ ತಕ್ಕಷ್ಟು
ಇಂಗು: ಚಿಟಿಕೆ

ವಿಧಾನ
೧.ಕೊತ್ತಂಬರಿ ಸೊಪ್ಪು, ಶು೦ಠಿ ,ಹಸಿ ಮೆಣಸು ಇವುಗಳನ್ನು ಸಣ್ಣಗೆ ಹೆಚ್ಚಿ.
೨.ಇ೦ಗಿಗೆ ಸ್ವಲ್ಪ ನೀರು ಹಾಕಿ,ಕರಗಿಸಿ.
೩.ಮಜ್ಜಿಗೆಗೆ ಹೆಚ್ಚಿದ ಕೊತ್ತಂಬರಿ,ಶು೦ಠಿ, ಹಸಿ ಮೆಣಸು ,ಇಂಗಿನ ನೀರು ,ಉಪ್ಪು ಹಾಕಿ ಕಲಸಿ.


೭.ಮಾ೦ಗೋ ಲಸ್ಸಿ

ಮೊಸರು :ಎರಡು ಲೋಟ
ಮಾವಿನ ಹಣ್ಣಿನ ಹೋಳುಗಳು :ಅರ್ಧ ಲೋಟ
ಸಕ್ಕರೆ:ಅರ್ಧ ಲೋಟ

ವಿಧಾನ

ಮೊಸರು,ಮಾವಿನ ಹಣ್ಣು ಮತ್ತು ಸಕ್ಕರೆಯನ್ನು ಒಟ್ಟಿಗೆ ರುಬ್ಬಿ, ಲೋಟದಲ್ಲಿ ಹಾಕಿ ಕುಡಿಯಿರಿ.

ವಿ.ಸೂ. ಸಕ್ಕರೆಯ ಪ್ರಮಾಣ ಮಾವಿನ ಸಿಹಿಯ ಮೇಲೆ ಅವಲಂಬಿತ.

೮. ಠ೦ಡಾಯೀ

ಉತ್ತರ ಭಾರತದಲ್ಲಿ ಬಹಳ ಜನಪ್ರಿಯವಾದ ಪೇಯ ಇದು.

ಬೇಕಾಗುವ ವಸ್ತುಗಳು

ಹಾಲು :ಒಂದು ಲೋಟ
ಬಾದಾಮಿ : ಹತ್ತು
ಏಲಕ್ಕಿ :ಚಿಟಿಕೆ
ಗಸಗಸೆ :ಒಂದು ಚಮಚ
ಗುಲಾಬಿ ನೀರು : ಎರಡು ಚಮಚ

ವಿಧಾನ
೧.ಬಾದಾಮಿಯನ್ನು ನೀರಿನಲ್ಲಿ ನಾಲ್ಕೈದು ಗಂಟೆಗಳ ಕಾಲ ನೆನೆಸಿ, ಬಳಿಕ ಸಿಪ್ಪೆ ತೆಗೆಯಿರಿ.
೨.ಸಿಪ್ಪೆ ತೆಗೆದ ಬಾದಾಮಿ, ಏಲಕ್ಕಿ,ಗಸಗಸೆ, ಗುಲಾಬಿ ನೀರು ಇವುಗಳನ್ನು ಒಟ್ಟಿಗೆ ರುಬ್ಬಿ.
೩.ರುಬ್ಬಿದ ಮಿಶ್ರಣಕ್ಕೆ ಹಾಲು ಸೇರಿಸಿ ಕಲಕಿ.
೪.ಸ್ವಲ್ಪ ಮಂಜುಗಡ್ಡೆ ಚೂರುಗಳನ್ನು ಸೇರಿಸಿ. ಠ೦ಡಾಯೀ ತಯಾರು .



೯.ಕಲ್ಲಂಗಡಿ ಜೂಸ್

ಕಲ್ಲಂಗಡಿ ಹೋಳುಗಳು : ಮೂರು ಲೋಟ
ಸಕ್ಕರೆ : ಎರಡು ಚಮಚ

ವಿಧಾನ
೧.ಕಲ್ಲಂಗಡಿಯ ಸಿಪ್ಪೆ ತೆಗೆದು, ಹಣ್ಣಿನ ಸಣ್ಣ ಚೂರುಗಳನ್ನಾಗಿ ಮಾಡಿ.
೨.ಸಕ್ಕರೆಯ ಜತೆ ಈ ಹೋಳುಗಳನ್ನು ರುಬ್ಬಿ.
೩.ತೆಳುವಾದ ಬಟ್ಟೆಯಲ್ಲಿ ಇದನ್ನು ಸೋಸಿ, ಕುಡಿಯಿರಿ.

ವಿ.ಸೂ. ಇದಕ್ಕೆ ನೀರು ಹಾಕಬೇಕಾಗಿಲ್ಲ.


೧೦. ಕ್ಯಾರೆ ಟ್-ಶು೦ ಠಿ ಜ್ಯೂಸ್

ಕ್ಯಾರೆಟ್ :ಎರಡು
ಶು೦ ಠಿ :ಸಣ್ಣ ಚೂರು
ಸಕ್ಕರೆ :ಎರಡು ಚಮಚ
ನೀರು :ಎರಡು ಲೋಟ

ವಿಧಾನ
೧.ಕ್ಯಾರೆಟ್,ಶುಮ್ಥಿಯನ್ನು ನೀರಿನ ಜತೆ ಚೆನ್ನಾಗಿ ರುಬ್ಬಿ.
೨.ರುಬ್ಬಿದ ಮಿಶ್ರಣವನ್ನು ಬಟ್ಟೆಯಲ್ಲಿ ಸೋಸಿ.
೩. ಸೋಸಿದ ರಸಕ್ಕೆ ಸಕ್ಕರೆ ಹಾಕಿ ಕುಡಿಯಿರಿ.

--------------------------------------------------------------