Pages

Friday, November 14, 2008

ಒಂದು ಸಂದೇಹ ...

ಎಷ್ಟೇ ಜನ ಓಡಾಡಿದರೂ
ಎಷ್ಟೇ ವಾಹನ ಗುದ್ದಾಡಿದರೂ
ಬೆಂಗಳೂರ ರಸ್ತೆ ಮೂಕ ||

ಹಾರ್ನುಗಳ ಕಿರಿಕಿರಿ
ಜನರ ಚರಿಪಿರಿ
ಬೆಂಗಳೂರ ರಸ್ತೆ ಕಿವುಡು ||

ಮರಗಳು ಉರುಳಿದರೂ
ಬುವಿ ಧಗೆಯೇರಿದರೂ
ಬೆಂಗಳೂರ ರಸ್ತೆ ಕುರುಡು ||


ಹೊಗೆಯುಗುಳುವ ವಾಹನ
ವಾಸನೆಯ ಒಳಚರಂಡಿ
ಮಾರ್ಗಕ್ಕೆ ಮೂಗಿದೆಯೇ ?


ರಸ್ತೆಯ ಡಾಮರು ಕಿತ್ತರೂ
ಕೆಸರು ಜತೆಗೂಡಿದರೂ
ರಸ್ತೆಗೆ ಸ್ಪರ್ಶ ಜ್ಞಾನವಿದೆಯೇ?

ಪ್ರತಿ ದಿನವೂ ಇದೇ ರಸ್ತೆಯಲ್ಲಿ ಸಾಗುವ
ಮುಂದೆಯೂ ಸಾಗಲಿರುವ
ಪ್ರತಿ ಸಲವೂ ಇದೇ ವಿಷಯ ಕೊರೆಯುವ
ನನಗೆ ತಲೆ ಇದೆಯೇ ?